нигерийәдә чарвичилар билән деһқанлар оттурисидики тоқунушта 25 киши қаза қилди
нигерийәниң чарвичилиқ вә тириқчилиқ билән шуғуллинидиған деһқанлири оттурисида пат-пат тоқунуш йүз берип келиватқан бену өлкисидә, қораллиқ һуҗум йүз берип, 25 киши қаза қилди.
1995192
түркийә авази радийоси хәвири: катсина-ала райониниң рәиси атера алфред бу һәқтики байанатида, қораллиқ кишиләрниң бену өлкисидики катсина-ала райониға қарашлиқ охшимиған йезиларға һуҗум қилғанлиқини билдүрди.
алфред һуҗумда кәм дегәндә 25 кишиниң қаза қилғанлиқини вә нурғун кишиниң йариланғанлиқини ейтти.
бену сақчи байанатчиси катерин анене бихәтәрлик қисимлириниң районға әвәтилгәнликини вә тәкшүрүшниң башланғанлиқини билдүрди.
нигерийәниң шималий қисми, чарвичилиқ билән шуғуллинидиған фуланилар билән тириқчилиқ билән шуғуллинидиған бәзи қәбилиләр арисидики шиддәтлик тоқунушларға пат пат сәһнә болуп кәлмәктә.
көчмән чарвичи фуланилар деһқанларниң һайванлирини оғрилимақчи болғанлиқини вә өзлиригә һуҗум қилғанлиқини илгири сүрмәктә.
