белгийә баш министири велисипиттин йиқилип чүшүп, һошидин кәтти
белгийә баш министири александер де кро велисипиттин йиқилип чүшүп, беши йариланди вә қисқа вақитлиқ һошидин кәтти.
1995161
түркийә авази радийоси хәвири: белгийә бирләшмә һөкүмитиниң баш министири александер де кро түнүгүн өйигә йеқин җайда велисипит һадиссисигә йолуқти.
туралғусидин 3 киломитир йирақлиқта оғли билән велисипит миниш чәрйанида йиқилип чүшкән баш министир де крониң йиқилип чүшүш сәвәбидин беши йариланғанлиқи вә қисқа вақитлиқ һошидин кәткәнлики елан қилинди.
һадисидин кейин тезликтә дохтурханиға елип берилған баш министирниң тәкшүрүш нәтиҗисидә еғир саламәтлик мәсилиси көрүлмигәнлики билдүрүлди.
александер де кро кәчтә өйигә қайтип кәлди вә бир күнни туралғусида арам елип өткүзүдиғанлиқи, һәптә ичидә болса орунлаштурулған проәграммилирида һечқандақ өзгириш болмайдиғанлиқи уқтурулди.
