сербийә пирезиденти вуҗиҗ косовуниң шималидики җиддийчилик тоғрисида тохталди
вуҗиҗ CNN телевзийәсиниң зийаритини қобул қилип, йеқинқи күнләрдә баш көтүргән косовуниң шималидики җиддийчилик тоғрисидики соалларға җаваб бәрди.
түркийә авази радийоси хәвири: сербийә пирезиденти александир вуҗиҗ шималий атлантик әһди тәшкилати — натониң косовудики әскәрлири билән болған мунасивәтниң һазирғичә наһайити йахши давамлишиватқанлиқини, буниңдин кейинму мушу йөнилиштә давамлишидиғанлиқиға ишинидиғанлиқини ейтти.
косову серблирини вәзийәтни тинчландуруп, тинчлиқ орнитишқа чақирған вуҗиҗ: «сербийә тәрәп 2013- йили имзаланған бирйуссел шәртнамисидики барлиқ тәләпләрни орундиди. косову болса, бирдинбир мәҗбурийити болған <серб шәһәрлик һөкүмәтләр иттипақи қуруш» маддисини иҗра қилмиди» деди.
вуҗиҗ 4- айниң 23- күни косовуниң шималидики серблар зич олтурақлашқан җайлардики йәрлик сайламға амминиң қатнишиш нисбитиниң %3 болғанлиқини тилға елип, сайламниң «инавәтсиз» икәнликини илгири сүрди.
америка билән фирансийәниң косовониң шималидики җиддийчилик тоғрисидики байанатлиридин хушал болғанлиқини тилға алған вуҗиҗ, сөзини давамлаштуруп: «биз барлиқ келишимләргә һөрмәт қилдуқ, бизниң бир әскиримизму косовуға кирмиди. бизниң һазирғичә натониң косовудики қисимлири билән наһайити йахши вә кәспий мунасивитимиз бар иди. мән мунасивитимизниң буниңдин кейинму мушу йөнилиштә давамлишидиғанлиқиға ишинимән» дегәнләрни қәйт қилди.
23-апрел өткүзүлгән йәрлик сайламда косовуниң шималидики серблар топлишип олтурақлашқан звечан, зубин поток вә лепосавич қатарлиқ шәһәрләрдә ғәлибә қилған албанийә шәһәр башлиқлириниң вәзипә өтәшкә башлиши 26- май косову серблириниң наразилиқ намайишиға дуч кәлгәниди.
албан шәһәр башлиқлирини қоғдаш үчүн районға әвәтилгән косову сақчилири билән косову серблири оттурисида тоқунуш йүз бәргән, 29 – майда шәһәрлик һөкүмәт биналирини қоғдаватқан косову тинчлиқ сақлаш қисимлири билән косовулуқ серблар оттурисида сүркилиш йүз берип, тинчлиқ сақлаш қисимлириниң 30 әскири йариланғаниди.
