адәм меңисигә өзәк орунлаштуруш реаллиққа айлиниду
америкалиқ карханичи маскниң игидарчилиқидики неуралинк ширкити инсанларниң меңисигә өзәк орунлаштуруш лайиһәсини синақ қилишни башлаш үчүн, америка йемәк-ичмәк вә дора назарәт қилип башқуруш идарисиниң тәстиқиниң елинғанлиқини елан қилди.
түркийә авази радийоси хәвири: б б с ниң хәвиридә билдүрүлишичә, неуралинк ширкити (Neuralink) твиттер бетидә байанат елан қилип, меңә өзәк лайиһәсиниң америка йемәк-ичмәк вә дора назарәт қилип башқуруш идариси (FDA) ниң тәстиқ бәргәнликиниң, «бир күни нурғун кишиләргә йардәм қилишни капаләткә игә қилидиған муһим қәдәм» икәнликини билдүргән.
байанатта, неуралинк ширкити хадимлириниң америка йемәк-ичмәк вә дора назарәт қилип башқуруш идариси билән қойуқ алақә қиливатқанлиқини, синақ басқучидики илтимаслар үчүн зөрүр мәлуматларни елан қилидиғанлиқи әскәртилди.
неуралинк ширкити мәзкур лайиһә арқилиқ адәм меңисигә орунлаштурулидиған микро өзәкләрдин пайдилинип паләч вә қариғу қатарлиқ нерва келсәлликлирини давалаш, мейипларниң турмуш сәвийәсини йуқири көтүрүшни нишан қилиду. буниңға мунасивәтлик қилинған тәҗрибиләрдә, маймун меңисигә орунлаштурулған өзәкләр меңидики сигналларни мувәппәқийәтлик һалда анализ қилип, аппаратқа йәткүзгән иди.
