фирансийәдә 2022-йили һәр 12 минутта бир кичик бала йоқап кәтти
фирансийәдә 2022-йили һәр 12 минутта бир кичик балиниң йоқап кәткәнлики доклат қилинди.
түркийә авази радийоси хәвири: <Droit d'Enfance> (балилар һоқуқи) җәмийити «хәлқара йоқап кәткән балилар байрими» мунасивити билән ички ишлар министирлиқиниң санлиқ мәлуматлирини мәнбә қилған бир доклат елан қилди.
доклатқа асасланғанда, 2022-йили һәр 12 минутта, охшимиған сәвәбләр билән йоқап кәткән бир бала доклат қилинған.
фирансийәдә 2022-йили 40 миңдин артуқ кичик баланиң йоқап кәткәнлики ройхәткә елинған болуп, булардин %37.9 тиниң 15 йаштин төвән балилар икәнлики әскәртилгән.
йоқап кәткән балиларниң %63 и 15 йаштин йуқири болуп, ата-аниси билән чиқишалмиғанлиқтин өйлиридин чиқип кәткәнлики билдүрүлгән.
буниңдин башқа йәнә, ғайиб болуш доклатлириниң муһим бир қисми өйидин қачқан йаш қизларға мунасивәтлик икәнлики, бу вәқәләрниң зор бир қисминиң җинсий сүйиистемалларға сәвәб болғанлиқи уқтурулди.
ғайиб болуш доклатлириниң мәлум бир хәлқ топинила өз ичигә алмастин, барлиқ иҗтимаий иқтисадий чәмбирәкни өз ичигә алидиғанлиқи тәкитләнди.
доклатларниң мәлум қисмини чәт әлдики ата-аниси тәрипидин елип қечилған балилар һәққидә биргә йашаватқан башқа ата-анилириниң мәлум қилиш тори шәкилләндүргәнлики билдүрүлди.
доклатта, балиси елип қечилған ата-аниларниң балилирини қанунлуқ йоллар билән қайтуруп әкилиш үчүн узун күрәш қилғанлиқиму орун алди.
