wolodimir zélénskiy donétsik rayonidiki ukraina eskerlirini ziyaret qildi

türkiye awazi radyosi xewiri: ukraina pirézidéntliq mehkimisining resmiy tor bétide élan qilinghan bayanatqa asaslanghanda, zélénskiy tünügün (23-may) déngiz armiyesi bayrimi munasiwiti bilen donétsik rayonining marinka we uglédar sheherliri yönilishige jaylashqan ukraina armiyesi istéhkamlirida eskerler bilen körüshken.

zélénskiy qomandanlardin aldinqi sep weziyiti toghrisida melumat alghandin kéyin, ukraina déngiz armiyesining düshmenge qarshi ünümlük küresh qiliwatqanliqini bildürgen.

u: «shunga, bügündin étibaren déngiz armiyemizning urush iqtidarini körünerlik derijide ashurimiz we déngiz armiyemizning quruqluqta jeng qilghuchi qisimini shekillendürimiz» dédi.

wolodimir zélénskiy ziyariti jeryanida bir qisim ukraina eskerlirige dölet médali teqdim qildi.