хитай билән америка оттурисидики өзәк риқабити кәскинлишишкә башлиди
хитай билән америка оттурисидики өзәк риқабити кәскинлишишкә башлиди؛ бейҗиң йеңи бир қәдәм ташлап, тунҗи қетим американиң бир ширкитини қара тизимликкә киргүзди.
түркийә авази радийоси хәвири: хитай тор бихәтәрликини тәкшүрүш ишханиси американиң өзәк ишләпчиқарғучи ширкити — микронниң хитайниң муһим ул әслиһә түрлирини мәһсулат билән тәминлишини чәклиди.
хитай тор бихәтәрликини тәкшүрүш ишханиси байанат елан қилип, микрон ширкитиниң мәһсулатлирида хитайниң муһим учур ул әслиһәлириниң тәминләш зәнҗиригә зийан йәткүзүш еһтимали болған еғир бихәтәрлик хәвплириниң байқалғанлиқини, бу әһвалниң хитайниң дөләт бихәтәрликигә зийан йәткүзүш мумкинчилики барлиқини уқтурди.
байанатта, хитай ширкәтлириниң микрондин мәһсулат сетивелишни тохтитиши тәләп қилинди.
бейҗиңниң бу қарари американиң өзәк ишләпчиқарғучи ширкитиниң хитай базирида әмәлий чәклимигә учрайдиғанлиқидин дерәк бериду.
икки дөләт йеқиндин буйан өзәк саһәсидики риқабәт сәвәбидин пат - патла қаршилишип қалмақта.
америка һөкүмити йеқинқи айларда хитай ширкәтлириниң йуқири техникилиқ өзәкләргә еришишиниң алдини алидиған қануний бәлгилимиләрни чиқарғаниди.
һазирғичә американиң бу саһәдики тәшәббуслириға қарши қәдәм ташлимиған бейҗиң, тунҗи қетим бир америка ширкитигә қарши әмәлий қәдәм ташлиған болди.
