israiliye aqile üchün kechürüm soridi
israiliye ötken yili ishghal astidiki iyordan deryasining gherbiy qirghiqida zhurnalist shirin ebu aqileni öltürülgenliki üchün kechürüm soridi.
türkiye awazi radiyosi xewiri: israiliye armiyesi bayanatchisi daniyél hagari amérikaning «‹ CNN International› téléwiziye qanili» gha bergen bayanatida, qatarning «‹ eljezire› téléwiziye qanili» ning muxbiri shirin ebu aqilening ötken yili jénin rayonidiki toqunushlarni xewer qiliwatqanda béshigha oq tégip ölgenliki seweblik kechürüm soridi.
hagari ebu aqilening talantliq zhurnalist ikenlikini, israiliyening démokratiye we axbarat erkinlikini qedirleydighanliqini ilgiri sürdi.
yene bir tereptin , israiliye armiyesi teripidin öltürülgen shirin ebu aqileni xatirilesh üchün muzéy échildi. ramallah rayonida «shirin ebu aqile axbarat muzéyi» ni ishqa kirishtürüsh murasimi ötküzüldi.
shirin ebu aqilening israiliye armiyesi teripidin öltürülgenlikining bir yilliq xatire küni munasiwiti bilen amérika qoshma ishtatlirining paytexti washingtondimu ebu aqileni xatirilesh paaliyiti ötküzüldi.
