америка русийәниң йеқиндин буйанқи талапәтлиригә алақидар санлиқ мәлуматларни елан қилди

түркийә авази радийоси хәвири: ақсарай (америка) дөләт бихәтәрлик кеңишиниң истратегийәлик алақә маслаштурғучиси җон кирби күндилик мухбирларни күтүвелиш йиғинида сөз қилип: «биз топлиған истихбарат (дөләт бихәтәрлик учурлири) вә башқа мәлуматларға асасән, русларниң декабирдин буйан 100 миң адиминиң талапәткә учриғанлиқини мөлчәрләватимиз» деди вә буларниң 80 миңиниң йариланғанлар, 20 миңиниң һайатидин айрилғанлар икәнликини илгири сүрди.

кирби русийә армийәси сепидә уруш қиливетип өлгән мәзкур 20 миң кишиниң тәхминән йериминиң русийәниң һәр қайси җайлиридики түрмилиридә йатқан сабиқ җинайәтчиләрдин тәркиб тапқан  вагнер йалланма җәңчилири икәнликини ейтти.

русийәниң донбас районида елип бериватқан йеқинқи бир айдин буйанқи һуҗум қилиш һәрикәтлириниң «асасән мәғлуп болғанлиқи»ни тилға алған кирби, русийәниң талапәтлири тоғрисидики учурларниң америка истихбарат оргиниға тәвә икәнликини әскәрткән болсиму, әмма украина тәрәпниң талапәтлири тоғрисида мәлумат бәрмиди.

кирби украина мудапиәсиниң йәнила күчлүк икәнликини вә униң «русийәни кичиккинә ғәлибини қолға кәлтүрүш үчүн ғайәт зор байлиқларни сәрп қилишқа мәҗбурлиғанлиқи»ни қәйт қилди.