erdoghan bilen tébbon sudandiki özgirishlerni muzakire qildi

türkiye awazi radiyosi xewiri: aljiriye pirézidéntliq mehkimisi pirézidént tébbun bilen jumhur reis erdoghanning téléfon söhbiti heqqide yazma bayanat élan qilip: «ikki rehber qérindash dölet sudandiki xeterlik shundaqla qayghuluq özgirishlerni muzakire qildi. söhbet jeryanida, weziyetning siyasiy usullargha tayinip tizginlinishi we bu mubarek ramizan éyida qérindashlar otturisidiki ziddiyetni toxtitishning yolliri muzakire qilindi hemde söhbet ötküzüshning ehmiyiti tekitlendi» dédi.

tébbun bilen erdoghanning söhbiti esnasida yene, ikki dölet munasiwiti we bu munasiwetlerni tereqqiy qildurushning yolliri heqqidimu mulahize yürgüzülgenlikige isharet qilinghan bayanatta, rehberlerning bir  - birining roza hyétini tebrikligenliki bildürüldi.

aljiriye döliti ereb elliri ittipaqining nöwetchi reislik salahiyiti bilen, sudandiki armiye bilen «téz yardem bergüchi xelq eskerliri» otturisida yüz bergen ziddiyetni tügitip, ixtilapni söhbet arqiliq hel qilishni telep qilghanidi.