зеленский: биз чоқум рәзилликниң мәғлубийитини йеқинлаштурушимиз
украина президенти володимир зеленский русийәниң запорижйаға қилған «S-300» типлиқ башқурулидиған бомба һуҗумида, бир кишиниң җенидин айрилғанлиқини билдүрди.
түркийә авази радийоси хәвири: украина президенти володимир зеленский русийә армийәсиниң « S-300» типлиқ һава мудапиә қалқан системиси билән запорижйаға һуҗум қилғанлиқини вә һуҗумда бир балини өз ичигә алған икки кишиниң җенидин айрилғанлиқини, бир кишиниң еғир йариланғанлиқини елан қилди.
пирезидент зеленский кечә вақтида хәлққә қилған хитабида, дохтурханида давалиниватқан йариланған айалниң әһвалиниң интайин еғир икәнликини әскәртип, һуҗумға наразилиқ билдүрди.
у 24-феврал (2022) башланған русийә һуҗумлириниң «палм байрими» (Palm Sunday) диму давамлишиватқанлиқини билдүрүп: «шундақ қилип, русийә өзини дунйадин, инсанийәттин техиму йирақлаштуруватиду. һәр бир хиристийан байрими бизгә қандақ қилишни билмисәкму, йаманлиқниң йоқилидиғанлиқиға капаләтлик қилишни өгитиду. биз ишинишимиз керәк вә ишинимиз» деди.
у: «биз чоқум рәзилликниң мәғлубийитини йеқинлаштурушимиз, уни йеқинлаштурушимиз керәк. дунйа биз билән биллә. һәр ай, һәр һәптә қоллаш күнсери күчийиватиду, бизни қоллаватқанлар, бизниң җасаритимизни вә һайатқа болған ишәнчимизни қоллайдиғанларниң даириси барғансери кеңийиватиду. мән бу мунасивәт билән украинани қоллиған дунйадики барлиқ кишиләргә рәһмәт ейтимән» деди.
