péskow firansiyening muressechilik roli we xitayning herbiy manéwirliri toghrisida toxtaldi
rusiye pirézidéntliq mehkimisi — krémil bayanatchisi dimiriy péskow firansiyening ukraina mesiliside muresseleshtürgüchilik rolini oynash hoquqi barliqini ilgiri sürelmeydighanliqini éytti.
türkiye awazi radiyosi xewiri: rusiye pirézidéntliq mehkimisi — krémil bayanatchisi dimiriy péskow paytext moskwada muxbirlarning <firansiyening rusiye bilen ukraina otturisida muressechilik rolini oynashqa urunushi> toghrisidiki soallirigha jawab bérip: «parizh muressechilik rolini oynash hoquqi barliqini ilgiri sürelmeydu. chünki u toqunushuwatqan tereplerdin birini qollawatidu. uningdin bashqa, ukraina mesilisige wasitilik we biwasite halda arilishiwatidu» dédi.
péskow yuqiriqidek sewebler tüpeyli firansiyening muressechilik rolini oynishini tesewwur qilishning qiyinliqini tekitlep ötti.
xitayning teywen arili etrapida herbiy manéwirlarni ötküzüwatqanliqigha isharet qilghan péskow, xitaygha qarshi ighwagerchilik qiliniwatqanliqini ilgiri sürüp: «elwette, xitayning bu ighwagerchiliklerge xelqara qanungha uyghun shekilde herbiy manéwirlarni ötküzüp jawab qayturush igilik hoquqi bar» dédi.
krémil bayanatchisi péskow xitay we bashqa döletlerning bu mesilidiki hoquqlirigha hörmet qilinishi kéreklikini tekitlidi.
