бахмутни талишиш уруши шиддәтлик давамлашмақта
тәхминән 14 айдин буйан давамлишиватқан украина-русийә урушиниң әң шиддәтлики донетск алдинқи сепидә болмақта.
түркийә авази радийоси хәвири: украина-русийә армийәлири оттурисидики уруш, луханск, харкив, херсон вә запорижйада؛ әң шиддәтлик урушлар болса, донетск райониниң бахмут, авдевка, маринка билән угледар сепидә давамлашмақта.
украина армийәсиниң өткән йилдики (2022) херсон билән харкив районида вә донетскниң порт шәһиридә қозғиған қайтурма һуҗумлиридин кейин, уруш донетск райониға мәркәзләшти.
истратегийәлик орунға игә бахмутта болса, бир қанчә айдин буйан шиддәтлик урушлар йүз бәрмәктә.
русийә армийәси үч тәрәптин қоршавға алған вә коча урушлири давамлишиватқан бахмут, украинада уруш қапселип қалған җайға айланди. авдевка, маринка вә бахмут уруш сепидики һәрикәтләр диққәт қозғимақта болуп, танкалар, пийадә әскәрләрни тошуватқан һәрхил һәрбий аптомобиллар тез сүрәттә өтүшүп туридиған районда һәр даим партлаш авазлири аңлинип туриду.
алдинқи сәпниң охшимиған нуқтилиридин коча җәңлири қизишиватқан бахмутқа кәлгән украина әскәрлириниң көплүки, бу шәһәрдә шиддәтлик урушниң қандақ давамлишиватқанлиқини көрситип бериду.
