украина русийәниң қораллиқ учқулирини етип чүшүрди
украина одессада русийәниң иранда йасалған 14 қораллиқ учқусини етип чүшүргәнликини елан қилди.
түркийә авази радийоси хәвири: украина җәнуб қоманданлиқ иштаби русийәниң кечә бойичә иранда йасалған «шаһид» учқулири билән одессаға һуҗум қилғанлиқи тоғрисида байанат елан қилди.
байанатта, азақ деңизиниң шәрқий қисмидин әвәтилгән 17 учқудин 14 иниң етип чүшүрүлгәнлики қәйт қилинди.
учқуларниң бириниң одесса районидики бир ширкәтни бомбардиман қилиши нәтиҗисидә от кәткәнлики әскәртилгән байанатта, отниң бүгүн (4-апрел) әтигән саәтлиридә өчүрүлгәнлики, өлүм-йетим көрүлмигәнлики билдүрүлди.
2022-йили 24-феврал русийә пирезиденти владимир путин украинани ишғал қилиш пәрманини чүшүрүши билән, украина-русийә уруши рәсмий башланған иди.
путин кийевниң натоға әза болушиниң алдини елиш вә русийәниң тәсири астидики дөләткә айландуруш үчүн украинани һәрбийсизләштүрүп, натсисизмдин тазилашни мәқсәт қилғанлиқлирини ейтқан иди.
