русийә - украина урушида йүзләрчә бала өлди
русийә - украина урушида 500 дин артуқ кичик бала җенидин айрилди.
түркийә авази радийоси хәвири: бирләшкән дөләтләр тәшкилати балилар фондиниң иҗраийә директори катерин руссел аммиви ортақлишиш тор бетидики сәһиписидә бу һәқтә елан қилған байанатида мундақ деди: «украиналиқ кичик балилар вә аилиләр толиму ечинишлиқ өткәлдин өтти. 2022-йили феврал ейида уруш башланғандин буйан кәм дегәндә 501 бала өлтүрүлди.»
руссел әмәлийәттә қаза қилған балилар саниниң бирләшкән дөләтләр тәшкилати балилар фонди дәлиллигән сандин көп болуши мумкинликини, урушта кәм дегәндә 1000 балиниң йариланғанлиқини байан қилди.
руссел мундақ деди: «урушта өлүп кәткән һәр бир балиниң аилиси ейтип түгәткүсиз азаб – оқубәт ичидә қалди. бу кишини толиму ечиндуриду. башқичә ейтқанда, балилар вә аилиләр тинчлиққа моһтаҗ, әмма тинчлиқниң пат йеқинда әмәлгә ешиши мумкин әмәс.»
