ئىسپانىيەدە بىر بېلىقچى پاراخوتى دېڭىزدا چۆكۈپ كەتتى

تۈركىيە ئاۋازى رادىيوسى خەۋىرى: ئىسپانىيە كانتابرىيا ئاپتونوم ھۆكۈمىتىنىڭ پىرېزىدېنتى ئانگېل رېۋىللا تۋىتتېردا ئۇچۇر ھەمبەھىرلەپ، 10 كىشى بار بولغان «1-ۋىللابوا» (Villaboa 1) ناملىق بېلىقچى پاراخوتىنىڭ مايور بۇرنى تەۋەلىكىدە سۇغا چۆكۈپ كەتكەنلىكىنى بىلدۈردى.

ئۇ ئۇچۇرىدا: «دېڭىزىمىزدا يەنە يېڭى بەختسىزلىك. (1-ۋىللابوا) پاراخوتى بۈگۈن ئەتىگەن سائەت 05:30 دا مايور بۇرنى تەۋەلىكىدە چۆكۈپ كەتتى. پاراخوتتىكى يەتتە بېلىقچى قۇتقۇزۇۋېلىندى، ئىككى بېلىقچىنىڭ جەسىتى تېپىلدى، بىر بېلىقچى يوقاپ كەتتى» دېدى.