йавропа украиналиқ балиларни қутқузушқа атланди

түркийә авази радийоси хәвири: йавропа иттипақи комитетиниң башлиқи урсула фондерлейен белгийә пайтәхти бирйусселда ечилған йавропа парламенти омумий кеңиши йиғинида сөз қилди.

у 23-24-март күнлири өткүзүлгән йавропа иттипақи рәһбәрлири йиғининиң нәтиҗиси үстидә тохтилип, украина үчүн ортақ елим-сетим вә 1 милйон зәмбирәк оқи тәминләш пиланлиридин башқа, техиму сиҗил қоллаш үчүн ишләпчиқириш иқтидарини ашурушниң лазимлиқини тәкитлиди.

у: «украинани қанчилик бәдәл төлишимиздин қәтийнәзәр қоллаймиз. йиғинида рәһбәрләр украина күнтәртипи бойичә музакирә қилған әң муһим мәсилиләрниң бири- русийә тәрипидин тутқун қилинип сүргүн қилинған балилар» деди.

у 16 миң 200 балиниң украинадин тутқун қилинип русийәгә қилинғанлиқини билдүрүп: «у балилар аилилири вә балилиқидин елип ташланди. әгәр биз бу ишниң пийидә болмисақ, йәни бу мәсилидә актип болмисақ у балилар келәчикини йоқитип қойиду» деди.

хәлқара җинайи ишлар сотиниң 18-март украинада өткүзүлгән җинайәтләргә мунасивәтлик тәкшүрүшләр рамкисида, русийә президенти владимир путин вә русийә балилар һоқуқи комиссари марийа алексейевна лвова-белова үстидин украиналиқ балиларни тутқун қилип русийәгә сүргүн қилиш җинайити билән әйибләп қолға елиш буйруқи чиқарғанлиқини билдүрди.

у мундақ деди:

«мәзкур қарар билән путинниң дунйаси йәнә бир аз кичиклиди. хәлқара җинайи ишлар сот мәһкимиси билән һәмкарлашқан дөләтләргә сайаһәткә барса, түрмигә кириш хәвипигә дуч келиду. биз чоқум русийәгә сүргүн қилинған балиларниң қәйәрдиликини тепип чиқип, уларни аилилиригә әкилиш үчүн қолимиздин келишичә тиришишимиз керәк» деди.