pen - tetqiqatchilar süniy idrak modéllirini tereqqiy qildurushning xewpliri toghrisida agahlandurdi

türkiye awazi radiyosi xewiri: amérikaliq pen- téxnika karxanichisi élon maskni öz ichige alghan 1000 din artuq mutexessis imza qoyghan süniy idrakgha qarshi ochuq xet, londondiki kelgüsi hayatliq tetqiqat orni teripidin élan qilindi.

mektupta, «küchlük süniy idrak sistémilirini toghra, bixeter, chüshendürgili bolidighan, ochuq - ashkara, puxta, maslishishchan, ishenchlik bolghanda, ularning tesirining ijabiy bolidighanliqigha we xetirini kontrol qilghili bolidighanliqigha ishenginimizdila tereqqiy qildurush kérek» dégen ibarilerge orun bérildi.

imza qoyghuchilarning arisida élon mask, alma shirkitining xojayini stiw wozniyak we meshhur derijidin tashqiri insaniyet tarixshunasi yuwal noh hariri qatarliq tonush zatlarmu bar.

xata uchurlarning köpiyishi, mektupta tekitlengen süniy idrak téxnikisigha munasiwetlik asasliq endishilerning biri.

süniy idrak téxnikilirining tereqqiy qildurulushi üchün  GPT 4 we shuninggha oxshash süniy idrak téxnikilirining  «ammigha échiwétilgen we delilleshke bolidighan» bolushi kérekliki qeyt qilingha mektupta: «eger bu xil waqitliq toxtash téz sürette nazaret qilip bashqurulmisa, hökümetler choqum ariliship toxtitishni bashlishi kérek» déyildi.

mask uzundin buyan süniy idrakning xetir idin agahlandurup, bu peytning 2025- yili yétip kélidighanliqini, mashina eqliy iqtidarining insanlarning eqliy iqtidaridin éship kétip, insanlarning derijidin tashqiri kompyutérlarning ermek haywinigha aylinip qalidighanliqini ilgiri sürmekte.