перудики боран апитидә 65 киши қаза қилип, бәш киши йоқап кәтти
җәнубий америка дөлити перуда иссиқ бәлбағ қара борини кәлтүрүп чиқарған кәлкүн сәвәбидин 65 киши қаза қилип, бәш киши йоқап кәтти.
1962965
түркийә авази радийоси хәвири: перуниң нурғун шәһәрлиригә, болупму пайтәхт лимаға еғир тәсир көрсәткән «йақу» қара борини кәлкүнгә вә йүзлигән вәйранчилиққа сәвәб болди. қаттиқ боран вә кәлкүндә һазирға қәдәр 65 киши қаза қилип, бәш киши йоқап кәтти.
66 миң 853 киши апәтниң тәсиригә учриди. 9 миң 677 өй еғир зийанға учриди вә 1541 өй ишлитишкә болмайдиған һалға келип қалди.
буниңдин башқа йәнә, 56 мәктәп, 116 сәһийә мәркизи, 239 көврүк вә 640 километирлиқ йол зийанға учриди.
деһқанчилиқ йәрлириму еғир бузғунчилиққа учриған боранда, 11 миң гектар терилғу йәр вәйран болуп, 30 миң 192 кала һалак болди.
һөкүмәт апәтниң әң еғир тәсиригә учриған сәккиз райондин 154 идә алтә айлиқ җиддий һаләт елан қилинғанлиқини җакариди.
