америка билән филиппинниң «салакниб» маневири башланди
америка билән филиппинниң 4 миңдин артуқ әскириниң қатнишиши астида маневир өткүзүлди.
түркийә авази радийоси хәвири: америка вә филиппин әскәрлири филиппинниң әң чоң һәрбий райони җайлашқан палайан шәһиридә тәхминән үч һәптә давамлишидиған «салакниб» (Salaknib) намлиқ һәрбий маневирни башлиди.
филиппин армийәсиниң қомандани генерал ромейо бравнер билән америка армийәсиниң қомандани генерал хавер брансонниң сөз қилиши билән башланған маневирға, 1000 филиппин әскири билән 3 миңдин артуқ америка әскири қатнашти.
филиппин армийәсиниң қомандани генерал ромейо бравнер маневир тоғрисида тохтилип, икки дөләт әскәрлириниң һава вә деңиз қирғақлири мудапиә иқтидарини ашурушни, охшимиған һәрбий һәрикәтләрдә икки армийәниң һәмкарлиқлирини күчәйтишниң мәқсәт қилинғанлиқини билдүрди.
у филиппиндә 2016-йилдин буйан һәр йили өткүзүлидиған «салакниб» маневириниң 4-апрелғичә давамлишидиғанлиқини әскәртти.
филиппин 2014-йили икки дөләт оттурисида имзаланған тәрәққий қилған мудапиә һәмкарлиқ келишими (EDCA) рамкисида, хитайниң асийа-тинч окйан районида күнсери ешиватқан тәһдитигә қарши туруш мәқситидә, 2-феврал (2023) американиң филиппиндики төт һәрбий базидин пайдилинишиға рухсәт қилған иди.
