ékwador parlaméntida pirézidéntni sotlash teklipi qobul qilindi
jenubiy amérika döliti ékwadorda pirézidént gilérmo lassoni sotlash teklipini öz ichige alghan komitét doklati parlaméntta qobul qilindi.
türkiye awazi radiyosi xewiri: parlaméntqa sunulghan doklatta, lassoning qeyin inisi danilo karréra we uning yéqin dosti rubén chérrésning zeherlik chékimlik etkeschiliki we chiriklik qatarliq jinayetler bilen tekshürülüwatqanliqi, pirézidént lassoning bu paaliyetlerdin xewiri bar turughluq sotqa doklat qilmighanliqi ilgiri sürüldi.
dölet mejliside 6 saet munazire qilinghan doklat 18 ret awazgha qarshi 104 qollash awazi bilen qobul qilindi. 3 neper parlamént ezasi bélet tashlashtin waz kechti.
qobul qilinghan doklatning qanuniy ijra küchige ige emesliki bildürüldi. emma lasso sot qilinghan teqdirde, eger uning jinayiti békitilse, parlaméntning uni wezipisidin élip tashlashni telep qilip yene bir qétim yighin chaqiridighanliqi uqturuldi.
uzun mezgildin béri lasso we uning aile tawabiatlirini chiriklik bilen eyiblep kéliwatqan öktichiler, prézidéntning wezipisidin élip tashlinishini telep qilmaqta.
