сомали һөкүмити әшшәбабқа еғир зәрбә бәрди
сомали һөкүмити әшшәбаб террорлуқ тәшкилатиға қарши елип бериливатқан йеқинқи бир һәптидин буйанқи зәрбә бериш һәрикәтлиридә, тәшкилатниң 188 әзасиниң бир тәрәп қилинғанлиқини уқтурди.
түркийә авази радийоси хәвири: сомали учур – ахбарат ишлири министири давуд авәйс җама әшәбабқа қарши елип бериливатқан зәрбә бериш һәрикитидә зор ғәлибиниң қолға кәлтүрүлгәнликини билдүрүп, мудуг районида 170, төвәнки шабел районидики һавадин зәрбә бериш һәрикитидә 18 болуп, әшшәбаб тәшкилатиниң җәмий 188 әзасиниң бир тәрәп қилинғанлиқини ейтти.
йәнә бир тәрәптин, сомали һөкүмити йеңи тәдбирләрни қоллинип, тәшкилатниң дөләт ичидә кәң көләмдә ишлитиливатқан телефон арқилиқ пул йөткәшниң алдини алди.
һөкүмәт барлиқ телеграф ширкәтлири вә көчмә пул мулазимити билән тәминлигүчиләргә һәр бир херидарниң рәсими билән бармақ изини елишини шәрт қилди, күндилик пул ағдуруш миқдариғиму чәклимә қойулди.
сомали армийәси әшшәбаб тәшкилатиға қарши йеқинқи йәттә айдин буйан давамлаштуруватқан зәрбә бериш һәрикити җәрйанида көрүнәрлик илгириләшләрни қолға кәлтүрүп, нурғун олтурақ районларниң контроллуқини әслигә кәлтүрди.
مۇناسىۋەتلىك خەۋەرلەر
ирақтики бир тәбиий газ мәйдани һуҗумға учриди
ирақниң сулайманийә шәһиридики кор-мор тәбиий газлиқ учқучисиз һава аппарати һуҗумиға учриди.
