ئامېرىكا: يەر تەۋرەشلەر تۈركىيە ۋە سۈرىيەگىلا ئەمەس، دۇنياغىمۇ تەسىر كۆرسەتتى
ئامېرىكا تاشقى ئىشلار مىنىستىرلىقى باياناتچىسى نېد پرايىس «ئەسىرنىڭ ئاپىتى» دەپ ئاتىلىۋاتقان قاھرامانماراش مەركەزلىك يەر تەۋرەشنىڭ تۈركىيە بىلەن سۈرىيەگىلا ئەمەس، دۇنياغىمۇ تەسىر كۆرسەتكەنلىكىنى بىلدۈردى.
1946207
تۈركىيە ئاۋازى رادىيوسى خەۋىرى: ئامېرىكا تاشقى ئىشلار مىنىستىرلىقى باياناتچىسى پرايس كۈندىلىك مۇخبىرلارنى كۈتۈۋېلىش يىغىنىدا، يەر تەۋرەشكە مۇناسىۋەتلىك كۆرۈنۈشلەرنىڭ كىشىگە چوڭقۇر تەسىر كۆرسىتىدىغانلىقىنى بايان قىلىپ: «ۋەيرانچىلىقلار ۋە نابۇت بولغان ئىنسان ھاياتىغا قارايدىغان بولساق، بۇ يەر تەۋرەش تۈركىيە ۋە سۈرىيەگىلا ئەمەس، دۇنياغىمۇ تەسىر كۆرسەتتى» دېدى.