nato türkiyege panahlinish eslihelirini ewetidu

türkiye awazi radiyosi xewiri: shimaliy atlantik ehdi teshkilati 6 – féwral küni qahramanmarashni öz ichige alghan türkiyening 10 wilayitide yüz bergen we «100 yildin buyanqi ong chong balayiapet» dep atalghan yer tewresh apitide talapetke uchrighanlar üchün  panahlinish eslihelirini ewetishni qarar qildi.

shimaliy atlantik ehdi teshkilatining bayanatigha qarighanda, nato ewetidighan panahlinish esliheliri adette shimaliy atlantik ehdi teshkilatining herbiy manéwirliri we herbiy heriketliride ishlitilidighan qarargah esliheliridin terkib tapidiken. bu esliheler issinish, générator we dawalash saheliri qatarliq eslihelerni öz ichige alidiken.

shimaliy atlantik ehdi teshkilati herbiy dairiliri, hazir italiyening taranto rayonigha jaylashqan nato yardem bérish ishtabi jenubiy herbiy heriket merkizide saqliniwatqan panahlinish eslihelirini ewetish üchün eng muwapiq eshya oboroti we toshush yolliri heqqide pilan tüzmekte iken.

bu esliheler, shimaliy atlantik ehdi teshkilati döletliri ewetishke bashlighan qishliq sharaitqa mas kélidighan chédirlarning etrapigha orunlashturulidiken.

bu eslihelerni ewetish xizmitige, shimaliy atlantik ehdi teshkilatining yawropadiki ittipaqdash armiyening aliy qomandani (SACEUR) général kristofir kawoli rehberlik qilidiken.

shimaliy atlantik ehdi teshkilati bash katipi stolténbérg, ittipaqdash döletlerning bu qararidin intayin xursen ikenlikini tekitlep mundaq dédi:

 «shimaliy atlantik ehdi teshkilati ittipaqdishimiz türkiye bilen küchlük hemkarliq ornitiwatidu. bu panahlinish eslihelirining ewetilishi qanchilighan kishilerni qutquzushta muhim rol oynaydu. shimaliy atlantik ehdi teshkilatining ittipaqdashliri we hemrahliri türkiyediki izdesh - qutquzush paaliyetlirige qoyuq yardem bermekte. biz éhtiyajliq kishilerge yardem bérish üchün qolidin kélishiche tirishchanliq körsitishni dawamlashturimiz.»