bulghariye pirézidénti yawropa ittipaqi kéngishi reisi bilen körüshti
bulghariye pirézidénti rumén radéw yawropa ittipaqi kéngishining reisi charléz mishél bilen körüshti.
türkiye awazi radiyosi xewiri: bulghariye xewer agéntliqi (BTA) ning bildürishiche, pirézidént radéw bilen mishél sin yighini arqiliq körüshken.
yawropa köchmenler siyasitidiki belgilimilerning zörürlüki muzakire qilinghan uchrishishita, yawropa ittipaqining tashqi chégrasini shekillendüridighan we biwasite köchmenler bésimigha uchrawatqan döletler bilen téximu köp hemkarlishishining lazimliqi otturigha qoyuldi.
24-féwraldin (2022) béri dawam qiliwatqan ukraina-rusiye urushi seweb bolghan yawropadiki nachar bixeterlik aqiwetliri muzakire qilinghan yighinda yene, toqunushning yawropa ittipaqigha eza döletlerning iqtisadigha körsitidighan tesirimu küntertipke keldi.
uchrishishta, pirézidént radéw yawropa ittipaqigha qoshulush muzakirisi élip bériwatqan shimaliy makédoniyede, bulghariyege qarshi seperwerlik paaliyiti élip bériwatqanliqini éytti.
muzakirining 9 - we 10 - féwral künliri bélgiyening paytexti biryussélda ötküzülidighan yawropa ittipaqining pewquladde rehberler yighinigha teyyarliq dairiside élip bérilghanliqi uqturuldi.
