зеленский русийә билән давамлишиватқан әсир алмаштуруш һәққидә мәлумат бәрди
украина пирезиденти володимир зеленский 2022 - йили 24 - февралдин буйанқи русийә - украина урушида, җәмий 1762 украиналиқниң русийәниң турмилиридин қутулдурулғанлиқини билдүрди.
түркийә авази радийоси хәвири: зеленский телеграмма һесабида һәмбәһирлигән синлиқ учурида, русийә билән украина оттурисида бу қетимқи әсир алмаштурушта йәнә 116 украина әскириниң қойуп берилгәнликини ейтти.
зиленский әсир алмаштурушниң бир қанчә айдин бери давамлишиватқанлиқини әскәртип: «2022 - йили 24 - февралдин буйанқи русийә - украина урушида, җәмий 1762 украиналиқ русийә турмисидин қутулдурулди» деди.
зеленский йәнә, әнгилийә баш министири риши сунак билән телефонда көрүшкәнликини вә украинаға қорал йардәм қилиш мәсилиси тоғрисида сөһбәтләшкәнликини билдүрди.
украина әскәрлириниң әнгилийәгә тәвә «Challenger 2» танкисини ишлитиш мәшқини башлиғанлиқини тәкитлигән зеленский: «бизниң адәмлиримиз (әскәрлиримиз) аллиқачан әнгилийәниң «Challenger 2» танкисини ишлитиш мәшиқини башлиди» деди.
зеленский украинада 346 күндин буйан уруш давамлишиватқанлиқини әскәртип, әң еғир тоқунушниң украинаниң донетсик районида йүз бериватқанлиқини тәкитлиди.
