خىتاينىڭ موخې شەھىرى 54 يىلدىن بۇيانقى ئەڭ سوغۇق قىشقا دۇچار بولدى

تۈركىيە ئاۋازى رادىيوسى خەۋىرى: «BBC» نىڭ خەۋەر قىلىشىچە، خىتاينىڭ خېيلوڭجياڭ ئۆلكىسى موخې شەھىرىدە ھاۋا تېمپېراتۇراسى 22 - يانۋاردا (2023) شۇ يەر ۋاقتى ئەتىگەن سائەت 07:00 دە نۆلدىن تۆۋەن 53 گرادۇسقا چۈشكەن بولۇپ، بۇ موخېدا تېمپېراتۇرا نۆلدىن تۆۋەن 52.3 گرادۇس چۈشكەن 1969 - يىلدىن بۇيانقى ئەڭ سوغۇق كۈنگە ئايلانغان.

خىتاينىڭ ئەڭ سوغۇق رايونى دەپمۇ بىلىنىدىغان ۋە خىتاينىڭ شىمالىي قۇتۇبى دەپمۇ ئاتىلىدىغان موخېدا قىش پەسلى ئادەتتە 8 ئاي داۋاملىشىدۇ.

خىتاينىڭ قىشلىق ساياھەت مەركەزلىرىنىڭ بىرى بولغان موخېغا، يىل بويىچە ساياھەتچىلەر ئۈزۈلمەي كېلىپ تۈرىدۇ .