русийә естонийә баш әлчисиниң дөләт тәвәликидин чиқип кетишини тәләп қилди

түркийә авази радийоси хәвири: русийә ташқи ишлар министирлиқи йазма байанат елан қилип, естонийәниң русийәниң таллин әлчиханисидики хизмәтчиләр санини азайтиштәк «достанә» болмиған қәдимидин кейин, естонийәниң москвада турушлуқ баш әлчиси лайдрениң министирлиққа чақиртилғанлиқини билдүрди.

байанатта: «русийә тәрәп һәр икки дөләттики дипломатик вәкилләрни төвән дәриҗилик әмәлдарлар дәриҗисигә чүшүрүшни қарар қилди. естонийә һөкүмитиниң һәрикити сәвәбидин баш әлчигә ултиматом тапшурулди. естонийәниң москвада турушлуқ баш әлчиси 2023 -йили 2-айниң 7-күнигичә русийә федератсийәси тәвәликидин чоқум чиқип кетиши керәк. русийә - естонийә мунасивитиниң бу әһвалға чүшүп қелишиниң барлиқ мәсулийити естонийә тәрәпкә тәвә. биз буниңдин кейинму естонийә һөкүмитиниң дүшмәнләрчә қәдәмлиригә инкас қайтурушни давамлаштуримиз» дегән ибариләргә орун берилди.

11-йанвар(2023) естонийә ташқи ишлар министирлиқи русийәниң 2-айниң 1-күнигичә бу дөләттики дипломатик хадимларниң санини сәккизгә қисқартишини тәләп қилди.