iranning gherbiy ezerbeyjan ölkiside partlash yüz berdi

türkiye awazi radiyosi xewiri: iran resimiy xewer agéntliqi — irna, bukan sheherlik ot öchürüsh we bixeterlik mulazimetliri idarisi bashliqi resul marufiyning tebiiy gaz liniyeside körülgen kashilidin kélip chiqqan bolush éhtimali bolghan partlash heqqide bayanat bérip, ot öchürüsh etritining bir ailidin ikkisi kichik bala bolup jemiy alte kishining jesitini chiqarghanliqini, biri ot öchürüsh xadimi bolup, partlashta yarilanghan töt kishining doxturxanida balinistqa élinghanliqini bildürgenlikini xewer qildi.

iranning alaqidar emeldari partlash qalduqlirini yötkesh bilen birlikte izdesh – qutquzush xizmetlirining dawamlishiwatqanliqini bildürdi.

emeldarlar, xarabilik astida bashqa kishilerning bolush mumkinlikini eskertip, jénidin ayrilghan we yarilanghanlar sanining köpiyip kétishidin endishe qiliniwatqanliqini qeyt qildi.