б д т түркийәниң чегра еғизини ишлитиш қарариниң муддитини узартти
бирләшкән дөләтләр тәшкилати хәвпсизлик кеңиши сүрийәниң ғәрбий шималий районлириға инсанпәрвәрлик йардәм буйумлирини йәткүзүш үчүн түркийәниң « чегра еғизи» ни ишлитиш қарариниң муддитини 6 ай узартти.
түркийә авази радийоси хәвири: 15 әзадин тәшкил тапқан бирләшкән дөләтләр тәшкилати хәвпсизлик кеңиши, түркийә арқилиқ 10 – ийулғичә тәхминән 4 милйон кишигә инсанпәрвәрлик йардәм буйумлирини еһтийаҗлиқ кишиләргә йәткүзүп бериш нишан қилинған қарарни бирдәк аваз билән мақуллиди.
бирләшкән дөләтләр тәшкилатиниң санлиқ мәлуматлириға қариғанда, сүрийәдә 2023 – йили тәхминән 15 милйон 300 миң киши (тоқунуш башланған 2011-йилдин буйанқи әң көп киши) инсанпәрвәрлик қоғдиниш вә йардәмгә моһтаҗ икән.
бирләшкән дөләтләр тәшкилати хәвпсизлик кеңишиниң 2014-йили мақуллиған қарар лайиһәсигә асасән, сүрийәниң ғәрбий шималидики районларға хәлқаралиқ инсанпәрвәрлик йардәм буйумлири әвәтилмәктә икән.
нөвәттә бу районларға инсанпәрвәрлик йардәм буйумлири пәқәт түркийәниң «<җилвәгөзү> чегра еғизи» арқилиқла йәткүзүп берилмәктә икән.
