amérika süriyediki bazilirigha yéngi bir türküm qorallarni seplidi

türkiye awazi radiyosi xewiri: amérika armiyesi yéqinqi üch kün ichide süriyening bölgünchi térrorluq teshkilati — p k k / y p g kontrolluqidiki haseke wilayitige jaylashqan baza we herbiy orunlirigha iraq chégrasi arqiliq 100 ge yéqin aptomobil bilen herbiy we arqa sep lazimetlikliri ewetti.

yerlik menbelerning bildürüshiche, amérika armiyesining mezkur lazimetlikliri 6-we 8-yanwar künliri iraq-süriye otturisidiki elwelid chégra éghizi arqiliq hasakege yetküzülgen.

haseke wilayitining p k k / y p g térrorluq teshkilatining kontrolluqidiki rumeylan, sheddani we telbeyder qatarliq ahaliler rayonlirigha jaylashqan amérika baziliri we herbiy orunlirigha 100 ge yéqin aptomobil bilen ewetilgen lazimetlikler ichide bironéwik herbiy mashinilar, yéqilghu bakliri we nurghun oq-dora qatarliqlarning barliqi bildürüldi.

amérika, 2019 – yili öktebirde türkiye armiyesining tinchliq buliqi herbiy herikitini bashlinishi bilen, heriket rayonidiki bazilirini bikarlap, néfitliklerning etrapigha orunlishishni aldinqi orungha qoyghanidi.

p k k / y p g térrorluq teshkilatini qollashni dawamlashturuwatqan amérika armiyesining süriyening haseke, raqqe we deyruzzur qatarliq qatarliq wilayetliridiki teshkilat ishghalidiki rayonlirida nurghun baza we herbiy orunliri bar.

washington, p k k / y p g térrorchilirining ishghali astidiki néfitliklerge jaylashqan herbiy baza we orunlirigha toxtimay arqa sep matériyallirini ewetip kelmekte.