antonéy blinkén chin gang bilen téléfonlashti
amérika qoshma ishtatliri tashqi ishlar ministiri antoniy blinkén xitayning yéngi tashqi ishlar ministiri chin gang bilen téléfonlashti.
1926571
türkiye awazi radiyosi xewiri: amérika tashqi ishlar ministiri antoniy blinkén özining ijtimaiy taratqudiki adrésida özining tünügün xitayning yéngi tashqi ishlar ministiri chin gang bilen téléfonlashqanliqi toghrisida uchur hembehrilep, amérika – xitay munasiwitini hemde ikki dölet otturisidiki alaqe yollirini saqlap qélish heqqide sözleshkenlikini bildürdi.
xitayning washingtonda turushluq bash elchisi chin gang ötken jüme küni tashqi ishlar ministirliqigha teyinlengenidi.
chin gang yéqinqi 10 yildin buyan tashqi ishlar ministiri bolup wezipe ötewatqan 69 yashliq wang yining ornini igilidi.
ötken yili öktebirde xitay kompartiyesi siyasi byurosigha östürülgen wang yining xitayning diplomatiye siyasitide téximu chong rol oynishining kütülüwatqanliqi ilgiri sürülmekte.
