2023-yili qoralliq toqunushlarning eng köp yüz bergen yillarning biri bolup qaldi

türkiye awazi radiyosi xewiri: norwégiyediki oslo tinchliq tetqiqati institutining tekshürüsh doklati, 2023-yilining ikkinchi dunya urushi (1945-yili) axirlashqandin buyanqi dunya miqyasida eng köp zorawanliq weqeliri we qoralliq toqunushlar yüz bergen yillarning biri bolup qalghanliqini otturigha qoydi.

tekshürüsh doklatida, ötken yili dunyaning herqaysi jaylirida 59 toqunush yüz bergenliki, buning 28 ining afriqa qiteside meydangha kelgenliki tekitlendi.

doklat mesuli siri as rustad bu heqte toxtilip: «dunyaning her qaysi jayliridiki zorawanliq soghuq munasiwetler urushi axirlashqandin buyanqi eng yuqiri pellige chiqti» dédi.

toqunushlarning künséri murekkeplishiwatqanliqigha isharet qilghan rustad oxshimighan döletlerde yüz berginige oxshash, oxshash bir dölettimu bir qanche yerde toqunushlar yüz béridighan ehwallarning körülgenlikini eskertti.

tekshürüsh doklatida, yéqinqi 3 yilda toqunushta qaza qilghanlar sanining yéqinqi 30 yilda oxshash sewebtin qaza qilghanlar sanidin köp ikenliki tekitlendi.

2023-yili 122 mingdin artuq ademning toqunushlarda hayatidin ayrilghanliqi otturigha qoyulghan tekshürüsh doklatida, ötken yili qisqighine 3 ay ichide ukrainada 71 ming kishining, ghezzede 23 ming kishining hayatidin ayrilghanliqi qeyt qilindi.

shiwétsiyediki upsala unwérsititi toqunush sanliq melumat pirogrammisining sanliq melumatliridin paydilinilghan mezkur doklatning, 1946-yildin 2023-yilghiche bolghan jeryanda yer shari miqyasida yüz bergen toqunushlarni muhakime qilghanliqi eskertildi.