«мудапиә хәвәрлири» журнили түркийәниң «қизиләлма» учқучисиз күрәшчи айропиланини хәвәр қилди
дунйа түркийәниң учқучисиз күрәшчи айропилани «байрақтар қизиләлма» түрини йеқиндин күзәтмәктә.
түркийә авази радийоси хәвири: мәркизи америкаға җайлашқан мудапиә журнили « Defense News/ мудапиә хәвәрлири», түркийәниң тунҗи учқучисиз күрәшчи айропилани байрақтар қизиләлманиң синақ учуши тоғрисида хәвәр бәрди.
хәвәрдә, «күрәшчи айропилан 10 ай ичидә пирототиптин тунҗи учуш басқучиға өтти» дегән ибариләр арқилиқ «қизиләлма»ниң ишләпчиқирилиш сүритигә алаһидә ишарәт қилип өтүлди.
хәвәрдә, йеңи әвлад учқучисиз күрәшчи айропилан үчүн «учқуниң түркийә деңиз армийәсиниң кәлгүсидики байрақдар парахоти LHD анадолуниң, һәмдә һава армийәсиниң тайанч күчи болушидин үмид бар» дегән ибариләр қоллинилди.
«мудапиә хәвәрлири» йәнә ,қизиләлманиң байқар ширкитиниң 10 йилдин көпрәк вақиттин буйан өз имканийәтлиригә тайинип тәрәққий қилдурған алаһидә түри икәнликини әскәртти.
хәвәрдә, қизиләлма учқучисиз уруш айропиланиниң оқ -дора тошуш, учуш егизлики вә сүрити қатарлиқ иқтидарлириға даир учурларғиму орун берилди.
америкада тарқитиш бериватқан «һәптилик хәвәрләр» вә «форбес» қатарлиқ журналларму алдинқи һәптә қизил алма түриниң мувәппәқийәтигә мунасивәтлик хәвәрләрни тарқатқаниди.
