xitay yaponiyeni hoshiyar bolushqa chaqirdi

türkiye awazi radiyosi xewiri: yaponiye kyodo agéntliqi yaponiye we xitay shirketliri teripidin tokyoda ötküzülgen «yaponiye-xitay munbiri» ge, asiya döletlirining wekilliri we mutexessislirining qatnashqanliqini xewer qildi.

xewerde bildürülishiche, xitay tashqi ishlar ministiri wang yi munberge widéo ewetip, yaponiyege amérikaning xitayni dunya iqtisadidin chiqiriwétish pilanini qollimasliqqa chaqirghan.

u ikki döletni «menggülük qoshna» dep teriplep, xitay-yaponiye iqtisaiy we soda munasiwetlirige qaritilghan yaman gherezlik ghowghalargha qarshi hoshiyar bolush kéreklikini tekitlidi.

u: «nöl yighindiliq oyun tuziqi» chüshüshning ornigha, xitay bilen yaponiyening «özara hemkarliqlar üstide izdiniwatqan hemrah döletler» bolushi kéreklikini éytti.

munberge yaponiye tashqi ishlar weziri hayashi yoshimasamu widéo ewetti. u widéosida, nurghun hemkarliq saheliri bar bolsimu, ikki dölet munasiwetlirining xirislargha duch kelgenlikini bildürdi.

u: «rayonning tinchliqi we parawanliqigha mesul ikki chong küch» bolghan ikki döletning, semimiy diyalog bilen ijabiy munasiwetler üchün tirishchanliq körsitishi kéreklikini eskertti.

ikki dölet otturisida 1972-yili «menggülük tinchliq we dostluq munasiwiti ornitish» bayannamesi imzalanghan idi.

yaponiye bilen xitay bu yil ikki tereplik diplomatik munasiwetning normallashqanliqining 50 yilliqini tebrikleydu.