русийәдики бир нефит искилати учқучисиз һава аппаратиниң һуҗумиға учриди
русийәниң курск шәһиридики бир һәрбий айродурумниң нефит сақлаш орни учқучисиз һава аппарати һуҗумиға учриди.
1915276
түркийә авази радийоси хәвири: курск райони валийси роман старовит өзиниң телеграмма қанилида байанат елан қилип, «курск айродурумиға қилинған учқучисиз һава аппарати һуҗуми нәтиҗисидә, нефит сақлаш орниға от кәтти. вәқәдә адәм өлүш әһвали көрүлмиди. от өчүрүливатиду. барлиқ алаһидә хадимлар нәқ мәйданда тәкшүрүш елип бериватиду» дегәнләрни қәйт қилди.
русийә дөләт мудапиә министирлиқи, украинаниң учқучисиз һава аппаратлирини ишлитип русийәниң дийагилево вә енгелс һәрбий айродурумлириға һуҗум қилип үч әскәрниң өлүми, төт әскәрниң йарилинишини кәлтүрүп чиқарғанлиқини уқтурғаниди.
русийә армийәси 24-феврал украинаға бесип кирип, ишғал һәрикити башлиғаниди.
