дунйада хизмәт орунлиридики һәр 5 кишидин аз дегәндә1 киши зораванлиққа учримақта
б д т хәлқара әмгәк тәшкилати (ILO) дунйа миқйасида хизмәт орнида начар муамилигә учриғанларниң йеши, җинси вә районлири бойичә истатистикилиқ мәлуматлирини һәмбәһирлиди.
түркийә авази радийоси хәвири: б д т хәлқара әмгәк тәшкилати 121 дөләттин 15 йаштин йуқири 75 миң хизмәтчи билән сөһбәт өткүзүш арқилиқ тәййарлиған «хизмәттики зораванлиқ вә таҗавузчилиқ кәчүрмишлири: тунҗи хәлқара тәкшүрүш» мавзулуқ доклатида, хизмәт орнида начар муамилигә учриғанларниң йеши, җинси вә районлири бойичә истатистикилиқ мәлуматлирини һәмбәһирлиди.
доклатта һәр 5 хизмәтчидин аз дегәндә бириниң (тәхминән%23) хизмәт орнида җисманий, роһий вә җинсий зораванлиққа йаки таҗавузчилиққа учриғанлиқи уқтурулди.
сөһбәткә қатнашқан әр - айал хизмәтчиләрниң %17.9 и писхикилиқ зораванлиқ вә таҗавузчилиққа учриған.
хизмәтчиләрниң %8.5 и җисманий зораванлиқ вә таҗавузчилиққа учриған. әр хизмәтчиләр бундақ әһвалға техиму көп дучар болған.
доклатта билдүрүлишичә, пикирлири елинған хизмәтчиләрниң %6.3 и, болупму айаллар җинсий зораванлиқ вә таҗавузчилиққа учриған.
хизмәт орнидики зораванлиқ вә таҗавузчилиқ вәқәлири америкада әң көп йүз бәргән. америкадин қалсила африқада әң көп көрүлгән.
