ئۇكرائىنا ياردەملەرنىڭ تېزلىكتە يەتكۈزۈلۈشىنى تەلەپ قىلدى

تۈركىيە ئاۋازى رادىيوسى خەۋىرى: ئۇكرائىنا تاشقى ئىشلار مىنىستىرى دمىترو كۇلېبا ناتو تاشقى ئىشلار مىنىستىرلىرى يىغىنى ئۆتكۈزۈلگەن رۇمېنىيە پايتەختى بۇخارېستتا، ناتو باش كاتىپى ستولتېنبېرگ مۇخبىرلارغا بايانات بەردى.

ئۇ ئىلگىرىمۇ ناتودىن قورال-ياراغ تەلەپ قىلغانلىقلىرىنى، قورال-ياراغ بېرىلگەنلىكى ئۈچۈن رۇسىيە بېسىۋالغان زېمىنلارنىڭ كۆپىنچىسىنىڭ قايتۇرۇۋالغانلىقلىرىنى بىلدۈرۈپ، قىلىنىدىغان ياردەملەرنىڭ تېزلىكتە ئەۋەتىلىشىنى تەلەپ قىلدى.

ئۇ: «رۇسىيەنى مەغلۇب قىلالايدىغانلىقىمىزنى ئىسپاتلىدۇق. قورال-ياراغلار ۋە غەرب دۆلەتلىرىدىكى قورال-ياراغ ئىشلەپچىقىرىش توغرىسىدىكى قارارلار ۋە بۇلارنى تاپشۇرۇپ بېرىش ئىشلىرى تېخىمۇ تېز بولۇشى كېرەك» دېدى.

ئۇ يەنە مۇنداق دېدى:

«بىز ھاۋا قوغدىنىش سىستېمىلىرىغا ئېھتىياجلىق. بىزگە ئايرىس (Iris)، خاۋك (Hawk)، <ۋەتەنپەرۋەر> سىستېمىلىرى كېرەك. بەزى ئۈسكۈنىلەر ۋە گېنېراتورلىرىمىز بولغان ئەھۋالدا ئۆزىمىزنىڭ ئېنېرگىيە ئىستانسىسىلىرىنى قايتا ئىشقا كىرىشتۈرۈپ، خەلقنى ياخشى تۇرمۇش شارائىتلىرىغا ئىگە قىلالايمىز. ھاۋا قوغدىنىش سىستېمىمىز بولسا ئۇل-ئەسلىھەلىرىمىزنى رۇسىيەنىڭ كېيىنكى باشقۇرۇلىدىغان بومبىلىرىغا قارشى قوغدىيالايمىز.»

رۇسىيە 24-فېۋرال (2022) ئۇكرائىناغا قارشى تاجاۋۇزچىلىق ئۇرۇشى قوزغىغان ئىدى.