yawropa rusiyege émbargo yürgüzüshke teyyarliq qiliwatqanliqini uqturdi
yawropa ittipaqi komitéti reisi ursula fondér léyén yawropa ittipaqining rusiyege qarshi 9 – qétimliq jaza yürgüzüsh pilanini teyyarlawatqanliqini bildürdi.
türkiye awazi radiyosi xewiri: yawropa ittipaqi komitéti reisi fondér léyén finlandiyening paytexti xélsinkida finlandiye bash ministiri sanna marin, éstoniye bash ministiri kaja kallas we shiwétsiye muawin bash ministiri ébba bosh qatarliqlar bilen birlikte qoshma muxbirlarni kütüwélish yighini ötküzdi.
u rusiyening hujumliri yüzisidin ukraina xelqining qishni toksiz ötküzüshke mejbur bolghanliqini tilgha élip: «bowaqlar, ularning ata-aniliri, bowa-momiliri qarangghuluqta, soghuqta qaldi. men bu wehshiy hujumlarni qattiq eyibleymen. bular urush jinayitidur» dédi we sözini dawamlashturup: «men bügün 9 - qétimliq jaza yürgüzüsh pilani üstide pütün süret bilen ishlewatqanliqimizni jakarliyalaymen. ishinimenki, nahayiti qisqa waqit ichide yette dölet guruhi we bashqa chong shérikler bilen rusiye néfitining yer sharidiki eng yuqiri bahasini testiqlaymiz» dédi.
