һиндонезийәдә йүз бәргән йәр тәврәш апитидә қаза қилғанлар сани көпәйди
һиндонезийәниң ғәрбий җава өлкисидә түнүгүн мәйданға кәлгән 5.6 бал чоңлуқтики йәр тәврәш апитидә һайатидин айрилғанларниң сани 162 гә йәтти.
1909361
түркийә авази радийоси хәвири: ғәрбий җава өлкисиниң валийси ризван камилниң ейтишичә, йәр тәврәш апитидә һайатидин айрилғанларниң сани 162 гә йәткән, 700 дин артуқ киши йариланған, 13 миң киши өй – маканлиридин айрилип қалған, 2 миң 200 өй зийанға учриған.
камилниң әскәртишичә, издәш - қутқузуш паалийәтлири давамлишиватқан болуп, қаза қилғанлар саниниң көпийип кетиш хәвпи бар икән.
2018-йили һиндонезийәниң сулавеси арилида йүз бәргән 7.5 бал чоңлуқтики йәр тәврәш вә арқидинла мәйданға кәлгән деңиз ташқинида 2миңдин артуқ адәм қаза қилған, 4 миңдин артуқ адәм йариланғаниди.
