нигерийәниң җәнубида биафра тәшкилатиға зәрбә берилди

түркийә авази радийоси хәвири: нигерийә дөләт мудапиә министирлиқиниң ахбарат ишлириға мәсул әмәлдари муса данмадами йазма байанат елан қилип, армийәниң имо иштатида террорлуқ тәшкилати биафра йәрлик хәлқлиригә қарши һәрбий һәрикәт елип берилғанлиқини билдүрди.

у һәрбий һәрикәтләрдә террорлуқ тәшкилатиға әза 13 террористниң етип өлтүрүлгәнликини, алтә террористниң тутулғанлиқини әскәртти.

у һәрбий һәрикәтләрдә, дөләт сайлам комитетиниң йүтүп кәткән сайлиғучиларниң тизимлики сақланған аппаратниң тепилғанлиқини, 19 данә һәр хил қорал вә муһим оқ-дориларниң қолға чүшүрүлгәнликини қәйт қилди.

нигерийәниң җәнубида пат-пат террорлуқ тәшкилати биафра йәрлик хәлқлириниң һуҗумлири йүз бериду. тәшкилатниң 14-нойабир (2022) имо иштатида пәйда қилған һуҗумида бәш киши җенидин айрилған иди. 1967-йили биафра дөлитини қуруш үчүн йүз бәргән ички урушта нурғун киши җенидин айрилған иди.

нигерийәниң җәнубида 1967-йили қурулған биафра җумһурийити, ички уруш нәтиҗисидә қайтидин нигерийәниң һөкүмранлиқиға өткән иди.