shimaliy koréye yene heywe körsetti

türkiye awazi radiyosi xewiri: jenubiy koréye armiye bash ishtabining bayanatigha asaslanghanda, shimaliy koréyening sherqiy déngiz qirghiqidiki kangwondin qoyup bérilgen qisqa musapiliq ballistik bashqurulidighan bombisi yaponiye déngizigha chüshken.

bashqurulidighan bomba siniqi shu yerning waqti etigen saet 10:48 de élip bérilghan.

yaponiye kabinétining bash katipi matsono hirokazu bashqurulidighan bomba heqqidiki uchurlarning analiz basquchida ikenlikini, yaponiye, amérika we jenubiy koréye bilen hemkarliqning dawamlishidighanliqini éytti.

amérika rayonda kéngeytilgen chékindürgüch küch seperwerlik herikitige sadiq qalghan teqdirde, téximu qattiq herbiy heriket qollinidighanliqi toghrisida shimaliy koréye tehdit salghandin kéyin, bu sinaqning élip bérilishi hemmining diqqitini tartmaqta.

shimaliy koréye tashqi ishlar ministiri cho son xuy bayanatida, «amérika ittipaqdashlirigha kücheytilgen we kéngeytilgen chékindürgüch küch seperwerlik herikiti teklipide qanchilik ching tursa we koréye yérim arilidiki herbiy ighwagerchilik herikitini qanchilik kéngeytse, shimaliy koréyeningmu herbiy qayturma jawab bérishi shunche qattiq bolidu» dégen idi.

jenubiy koréye dölet mudapie ministirliqining bayanatchisi mon xong sik shimaliy koréye yadro we bashqurulidighan bomba tehditini dawamlashturuwatqan bir muhitta, jenubiy koréye, amérika we yaponiye otturisidiki bixeterlik hemkarliqining intayin muhim ikenlikini élan qilghan idi.