байдин сабиқ америка һөкүмитиниң килимат келишимигә тутқан позитсийәси үчүн кәчүрүм сориди

түркийә авази радийоси хәвири: пирезидент җо байдин, мисирниң шәрмушшәйх шәһиридә өткүзүлгән 27 - нөвәтлик б д т килимат йиғинидики сөзидә, килимат киризисиниң инсаний, иқтисадий, муһит вә дөләт бихәтәрлики билән мунасивәтлик икәнликини, американиң сабиқ пирезидент трамп дәвридә париж килимат келишимидин чекинип чиққанлиқини әскәртип: «мән вәзипигә олтурған һаман дәрһал келишимгә қайтип кәлдуқ. зор көләмлик килимат башлиқлар йиғинлирини ачтуқ. өз вақтида бу келишимдин чекингәнликимиз үчүн кәчүрүм сораймән» деди.

американиң 2030-йилиғичә карбон қойуп бериш нишаниға йетиш үчүн пүтүн күчи билән тиришиватқанлиқиға ишарәт қилған байдин, русийә-украина урушиниңму фосил йеқилғуға тайинишни тездин түгитишниң тәхирсизликини көрситип бәргәнликини билдүрди..

у йәнә, африқа дөләтлириниң килимат киризисиға тақабил туруши күришигә 150 милйон доллар төһпә қошидиғанлиқини сөзлиригә илавә қилди.

йәнә бир тәрәптин, байдин сөзиниң ахириға кәлгәндә, залдики бир гуруппа киши фосил йеқилғуға қарши шоар товлап наразилиқини ипадилиди. байдин найишчилар залниң сиртиға чиқириветилгәндин кейин сөзлирини давамлаштурди.