zéléniskiy sténmééyrdin qoral bilen teminleshni ashurushni telep qildi

türkiye awazi radiyosi xewiri: wiladimir zélénskiy ukrainaning paytexti kiyéwgha barghan gérmaniye pirézidénti firank-waltér stéynméyér bilen körüshti؛ zélénskiy, ikki pirézidéntning ukraina pirézidéntliq mehkimisidiki yépiq uchrishishidin kéyin ötküzülgen qoshma muxbirlarni kütüwélish yighinida söz qilip, gérmaniyege bixeterlik, iqtisad we ijtimaiy tereqqiyat mesiliside yawropa ittipaqi we b d t da ukraina bilen hemkarlashqanliqi üchün rehmet éytti.

zélénskiy, ayrim uchrishishta her ikki terep üchün muhim mesililerning muzakire qilinghanliqini bildürüp, dölitining rusiyege qarshi urushining dawam qiliwatqanliqini, ukraina hawa tewelikini qoghdash üchün IRIS-T hawa mudapie sistémisi bilen teminligen gérmaniyedin minnetdar ikenlikini we bu qollashning dawamlishishini ümid qilidighanliqini éytti.

ukrainaning hawa mudapie sistémilirigha oxshashla mudapie qorallirighimu mohtaj ikenlikini, bu jehette gérmaniyening qollishini telep qilghanliqlirini bildürgen zélénskiy: «bu nuqta zembirek sistémisi, bronéwik aptomobil we bashqa qorallar üchünmu küchke ige» dédi.

rusiyening hujumlirida buzghunchiliqqa uchrighan chérnigiw rayonidiki ul eslihelerni stéynméyérning shexsiy himayisi astida eslige keltürüshning qarar qilinghanliqini bildürgen wiladimir zélénskiy, buninggha munasiwetlik birleshme kélishimningmu imzalanghanliqini uqturdi.

u yene, dölitining yawropa ittipaqi bilen téz sürette bir gewdilishish musapisining dawam qiliwatqanliqini, ukrainaning bu musapige munasiwetlik barliq mesuliyitini yil axirighiche ada qilidighanliqini sözlirige ilawe qildi.