иран түрмисидә тоқунуш йүз бәрди
иранниң пайтәхти теһрандики әвин түрмисидә йүз бәргән вәқәләрдә кәм дегәндә 8 киши йариланди.
түркийә авази радийоси хәвири: иранниң рәсмий хәвәр агентлиқи <IRNA> ниң хәвәр қилишичә, әвин түрмисида адәттики җинайәтчиләр җайлашқан бөлүмдә мәһбуслар билән қаравуллар оттурисида тоқунуш йүз берип 8 киши йариланған.
сийаси мәһбусларниң көплики билән тонулған түрмидики кийим-кечәк амбириға от қойуп берилгәнлики билдүрүлгән вә иҗтимаий алақә торлирида милтиқ авази шундақла партилаш авазлири аңлиниватқан синлар һәмбәһирләнгән.
түрмидики от апитидин кейин, иҗтимаий таратқуларда мәһбусларға сәлибий җавап қайтурулушшниң алдини елиш үчүн түрмә әтрапини бош қоймаслиқ чақириқи елан қилинған болуп, түрмә әтрапида турушлуқ кишиләр билән башқа шәһәрләрдин кәлгән кишиләр кочиларни толдурди.
теһранниң йадигари имам чоң кочисида узун өчрәт болуп кәткән аптомобилларму канай челиш арқилиқ наразилиқлирини билдүргән вә түрмә әтрапида қатнаш тохтап кәтти.
бәзи намайишчилар әвин түрмисидики от апитигә наразилиқ билдүрүш үчүн һөкүмәтниң елан тахтилириға от қойуп бәрди.
түрмидин кәлгән шиддәтлик партилаш вә қорал авазлири йеқин әртаптиму аңланди.
йәнә бир тәрәптин иҗтимаий таратқуларда шәһәрниң нурғунлиған районлиридин түрмә райониға бихәтәрлик қисимлири әвәтилгәнлики тоғрисида хәвәрләр тарқалмақта.
