конго демократик җумһурийитидә йүк парахоти чөкүп кетип нурғун адәм өлди
конго демократик җумһурийитиниң ғәрбий шималидики конго дәрйасида йолучилар олтурған вә йүк бесилған бир парахотниң чөкүп кетиши нәтиҗисидә 40 киши һайатидин айрилди.
1891665
түркийә авази радийоси хәвири: конго демократик җумһурийити таратқулириниң хәвәр қилишичә, конго дәрйасиниң секлин вендҗи районида, көп санда йолучилар олтурған вә йүк бесилған бир парахот, намәлум сәвәб билән чөкүп кәткән.
хәвәрләрдә дейилишичә, қазада 40 киши һайатидин айрилған болуп, йоқап кәткән йолучилар вә парахот хадимлирини издәш – қутқузуш паалийәтлири давамлашмақта икән.
игилинишичә, парахотниң чөкүп кетишигә һава шараитиниң начарлиқи, адәттин ташқири дәриҗидә йүк вә йолучи тошуш сәвәб болған.
