angéla mérkél: panahlanghuchilar kirizisida türkiye gérmaniyedinmu éghir yükni üstige aldi
gérmaniyening sabiq bash ministiri angéla mérkél panahlanghuchilar kirizisida türkiyening gérmaniyedinmu éghir yükni üstige alghanliqini éytti.
türkiye awazi radiyosi xewiri: angéla mérkél 2015 - we 2016 - yilliridiki panahlanghuchilar kirizisi mezgilide zorawanliq we ziyankeshlik tehditi astidiki 1 milyon 200 mingdin artuq panahlanghuchini dölitige qobul qilghanliqi üchün «nensén panahlanghuchilar mukapati» gha layiq körüldi.
mérkél shiwéytsariyening jenwe shehiride ötküzülgen mukapatlash murasimida söz qilip, bu mukapatni yardemsöyer kishilerge wakaliten alidighanliqini bildürdi we mesullar bilen ammiwi teshkilatlargha rehmet éytti.
mérkél öz dölitidin yiraqlap kétishni xalimaydighan nurghun panahlanghuchilargha türkiyening sahibxanliq qilghanliqini eskertip: «türkiye ottura sherqtin kelgen 3 milyon 800 ming panahlanghuchini kütüwaldi» dédi.
türkiyening panahlanghuchilar kirizisida, gérmaniyedinmu éghir yükni üstige alghanliqini eskertken mérkél, panahlanghuchilarning bixeter halda öz dölitige qaytip kételishi üchün sijil hel qilish charisi tépip chiqish kéreklikini tekitlidi.
