теһранда түнүгүн өткүзүлгән махса әмини намайишлири йерим кечигичә давамлашти
пайтәхт теһрандики диндарлар зич олтурақлашқан теһран парс районида, намайишчилар әхләт сандуқлирини көйдүрүп, қатнаш йоллирини тосувелип шоарларни товлиди.
түркийә авази радийоси хәвири: намайишчилар әбузәр кочисидики һөкүмәт лозинкилирини көйдүрди, шәһәрниң нурғун җайлиридики кочиларға әхләт сандуқи билән тосақларни орнитип, бәзи җайларға от қойуп бәрди.
теһран қатарлиқ дөләтниң нурғун шәһәрлиридә намайишлар йерим кечигичә давамлашти. университетлардиму намайишлар тохтап қалмиди.
йәнә бир тәрәптин, иран һөкүмитиниң рәсмий хәвәр агентлиқи IRNA ниң хәвәр қилишичә , кечидә йүз бәргән вәқәләрдә <хәлқ әскәрлири әтрити> дәп билинидиған басик әзаси салман амир әһмәд теһранниң 17 - районида йүз бәргән сүркүлүштә бешидин йарилинип қаза қилған.
теһранда махса әмининиң қамақта қаза қилиши пүтүн иран миқйасида хәлқниң ғәзипини қозғиған иди.
махса әмининиң 17 – синтәбирдә сакзиз шәһиридә өткүзүлгән дәпнә мурасимидин кейин башланған намайишлар дөләтниң нурғун шәһәрлиригичә кеңәйгән иди.
иран дөләт телевизийиси 24 - сентәбирдә зораванлиққа айланған намайишларда бихәтәрлик қисимлири әзалириниму қошқанда җәмий 41 кишиниң һайатидин айрилғанлиқини елан қилған иди.
