washington: qolimizda rusiyening yéqinda yadro qorali ishlitidighanliqi toghrisida istixbarat yoq

türkiye awazi radiyosi xewiri: bayanatchi karin jén pyér, pirézidéntliq mehkimisi ayropilanida amérika pirézidénti jo baydin bilen birlikte marilandqa sayahetke barghan muxbirlargha bayanat berdi.

u, baydinning tünügün qatnashqan bir paaliyette qilghan yadro «armagédon» xewpining 1962-yilidiki kuba bashqurulidighan bomba kirizisidin buyanqi eng yuqiri sewiyede ikenlikige dair bayanati eslitip ötülgendin kéyin söz qilip: «rusiyening yéqin kelgüside yadro qorallirini ishlitidighanliqigha ait héchqandaq alamet yoq. jiddiylikni peseytish (rusiye pirézidénti wiladimir) putinning qolida» dédi.

putinning yadro qorali ishlitish toghrisida éghiz échishining intayin éghir mesuliyetsizlik ikenlikini bildürgen karin jén pyér, amérikaning putinning tehditige bash egmeydighanliqini, emma rusiyening yadro tehditige estayidil muamile qilidighanliqini bildürdi.

amérika pirézidénti baydin tünügün qatnashqan bir iane toplash paaliyitide, putinning urushtin qutulushning yolini «tépishqa urunuwatqanliqi»ni ilgiri sürüp, rusiye rehbirining taktikiliq yadro, biologiyilik yaki ximiyilik qoral ishlitish toghrisidiki sözlirini chaqchaq emes dep qarishining sewebini rusiye armiyesining «iqtidarining körünerlik derijide yaxshi bolmasliqi»gha munasiwetleshtürüp chüshendürgen we sözini dawamlashturup: «eger bu ishlar bu shekilde dawamlashsa, kuba bashqurulidighan bomba kirizisidin buyan tunji qétim yadro qorallirini ishlitishke munasiwetlik biwasite tehdit bar. biz kénnidi we kuba bashqurulidighan bomba kirizisidin buyan <armagédon> mumkinchilikige duch kelmiduq» dégenidi.