awstriye pirézidénti türkiyening muressechilik roligha yuqiri baha berdi

türkiye awazi radiyosi xewiri: pirézidént béllén yekshenbe küni awstriyede ötküzülidighan pirézidéntliq saylimidin ilgiri t r t ge, rusiyening rusiye bilen ukraina otturisidiki muressechilik roli, ashliq kélishimi we yawropada bash kötürgen énérgiye kirizisi qatarliqlar toghrisida bayanat berdi.

u, b d t omumiy kéngishi bashliqlar yighini jeryanida nyuyorktiki türkiye öyide jumhur reis rejep tayyip erdoghan bilen ötküzgen uchrishishigha dair tepsilatlar heqqide melumat berdi؛ türkiyening 24-féwral bashlanghan rusiye-ukraina urushi jeryanidiki muressechilik roligha yuqiri baha bérip: «türkiye bu kirizista intayin muhim ishlarni qildi, eger ukraina yaki rusiye ashliq  mehsulatliri qara déngiz arqiliq éskport qilinmighan bolsa idi, biz dunyaning oxshimighan jaylirida, bolupmu afriqa we ottura sherqte acharchiliq kirizisigha duch kelgen bolattuq. bu türkiyening muresse qilishi, erdoghan  bilen (bash katip antoniyo) guttérrésning tirishchanliqi sayisida ishqa ashti» dédi.

awstriye pirézidénti, türkiyening, awstriyening shimaliy atlantik ehdi teshkilati — nato herbiy manéwirigha qatnishishigha maqulluq bildürgenlikidin xushalliq hés qilghanliqini bildürüp: «bu awstriye üchün intayin muhim» dédi.

u, yawropadiki énérgiye kirizisi toghrisida toxtilip, dölitining bu qishtin tebiiy gaz mesilisige pétip qalmay ötüp kételeydighanliqini, yawropaning rusiye tebiiy gazigha béqinip qélishtin qutulushi kéreklikini otturigha qoydi.

aléksandir wan dér béllén, awstriye - türkiye munasiwitining dostane shekilde tereqqiy qiliwatqanliqini tilgha élip, yekshenbe küni ötküzülidighan saylamda tégi türkiyelik awstriye puqraliriningmu bélet tashlishini xalaydighanliqini sözlirige ilawe qildi.